- ප්‍රතිපාදන කොමිසමේ සභාපති මහාචාර්ය ගාමිණී සමරනායක කියයි
කිසිදු විශ්වවිද්‍යාල ආචාර්යවරයෙකුට වැටුප් නොගෙවන ලෙස දැනුම්දී නොමැති බවත් ආයතන සංග්‍රහයේ විධිවිධාන පරිදි විශ්වවිද්‍යාල ආචාර්යවරුන්ට වැටුප් ගෙවන ලෙස ලිපියක් මගින් සියලුම විශ්වවිද්‍යාල උපකුලපතිවරුන් දැනුවත් කර ඇති බව ඒ මහතා ප්‍රකාශ කළේය.
එසේම ඉල්ලා අස්වීම් සඳහා පාලක සභාවේ අනුමැතිය අවශ්‍ය වන බවත් වැටුප් ගැටළුව සම්බන්ධයෙන් මේ වන විට විශ්වවිද්‍යාල ආචාර්යවරුන් ලබාදී ඇති ඉල්ලා අස්වීම් සඳහා පාලක සභාවේ අනුමැතිය ලැබී නොමැති හෙයින් එම ඉල්ලා අස්වීම්ද වලංගු නොවන බවත් හෙතෙම වැඩිදුරටත් සඳහන් කළේය.
