ඉරිදා දිවයින
නෝමන් පලිහවඩන
රටපුරා පවත්වනු ලබන විරෝධතා උද්ඝෝෂණ සියල්ලක්‌ම මින් ඉදිරියට කැමරා කිහිපයක්‌ මගින් රූගත කිරීමට පොලිස්‌ දෙපාර්තමේන්තුව අවධානය යොමු කර තිබේ. කටුනායකදී සිදුවූ උද්ඝෝෂණ ව්‍යාපාරයේදී ඇතිවූ තත්ත්වය නිසා පොලිසිය මෙම පියවර ගෙන ඇතැයි ජ්‍යෙෂ්ඨ පොලිස්‌ නිලධාරියෙක්‌ "දිවයින ඉරිදා සංග්‍රහය"ට පැවැසීය.
උද්ඝෝෂකයන්ගේ ක්‍රියා කලාපය විමර්ශන කිරීම සඳහා වීඩීයෝ කැමරා ඇතුළු නිශ්චල කැමරා උපයෝගිකර ගැනීමට පොලිස්‌ කැමරා ශිල්පින්ගේ සහාය ලබා ගැනීමට නියමිතය. කටුනායක සිද්ධියේදී පොලිසියට ගල්මුල්වලින් පහර දුන් පිරිසේ ඡායාරූප කීපයක්‌ද පොලිස්‌ පරීක්‌ෂණයට ලක්‌ව තිබේ.
